ᐃᓄᐃᑦ ᐊᕐᓀᑦ ᑲᑐᑦᔨᖃᑎᒌᓐᓂᖓ

ᓯᕗᓂᕐᒥ ᐱᒋᐊᓚᖓᔭᑦᑕ ᐆᒻᒪᑎᖓᓃᑦᑐᑦ ᐊᕐᓀᑦ

ᐅᕙᑦᑎᓄᐊᖓᔪᓂᒃ ᐊᑐᐊᕐᓯᒋᑦ

ᓱᓇᒥᒃ ᓄᐃᒍᑎᖃᕐᓂᕿᑕ?

ᓴᑐᕐᕖᑦ ᐃᓄᐃᑦ ᐊᕐᓀᑦ ᑲᑐᑦᔨᖃᑎᒌᓐᓂᖓ ᓄᓇᕕᒻᒥ ᑭᒡᒐᑐᕐᑐᖅ ᐃᓘᓐᓀᓂᒃ ᐃᓄᓐᓂᒃ ᐊᕐᓇᓂᒃ ᓄᓇᕕᒻᒥ ᐅᑭᐅᓕᓐᓂᒃ 16-ᓂᒃ ᐅᖓᑖᓄᓪᓗ ᐊᖏᖃᑎᒌᒍᑎᒧᑦ ᐃᓚᐅᔪᓂᒃ. ᓄᓇᓕᓕᒫᓂ ᖄᖏᕐᓂᑯᓕᐅᕐᑎᐅᒐᓂ ᑎᒥᐅᓂᕐᒥᓄᑦ, ᓴᑐᕐᕖᑦ ᐱᓪᓚᕆᒍᑎᖃᕐᐳᑦ ᓂᐱᒋᔭᐅᓂᕐᒥᓂᒃ ᓄᓇᕕᒻᒥ ᐊᕐᓇᓄᑦ ᐊᒻᒪᓗ ᑭᒡᒐᑐᕈᑎᒋᑦᓱᒋᑦ ᖃᓄᐃᖕᖏᓯᐊᕐᓂᖏᑦ ᐊᒻᒪᓗ ᑲᒪᒋᔭᐅᖁᔭᖏᑦ. ᓴᑐᕐᕖᑦ ᑭᒡᒐᑐᕐᓂᖃᕈᒪᓂᕐᒥᓄᑦ ᑐᓴᐅᒪᑎᑦᓯᒋᐊᓲᑦ ᓄᓇᕕᒻᒥ 14-ᓂ ᓄᓇᓕᓐᓂ ᐊᒻᒪᓗ ᐃᓄᓐᓂᒃ ᐊᕐᓇᓂᒃ ᖃᓪᓗᓈᑦ ᓄᓇᖓᓄᑦ ᓅᑦᓯᒪᔪᓂᒃ. ᑲᑎᒪᔨᖃᕐᑐᒍᑦ ᑭᒡᒐᑐᕐᑎᓂᒃ ᓄᓇᓕᓕᒫᓂ ᓄᓇᕕᒻᒥ ᐊᑦᔨᒌᖕᖏᑐᓂ.

2005 ᐊᐅᔭᖓᓂ, ᐃᓄᐃᑦ ᐊᕐᓀᑦ ᐃᓘᓐᓀᓂ ᓄᓇᕕᒻᒥ ᓄᓇᓕᓐᓂ ᐱᓯᒪᔪᑦ ᐊᒻᒪᓗ ᖃᓪᓗᓈᑦ ᓄᓇᖓᓂ ᑲᑎᓚᐅᕐᓯᒪᔪᑦ ᕿᓚᓗᒐᖅ ᐊᐅᓪᓛᓯᒪᕕᒻᒥ ᐳᕕᕐᓂᑑᑉ ᓴᓂᐊᓂ, ᑖᕙᓃᑦᓱᑎᒃ ᐅᖃᐅᓯᖃᓚᐅᕐᓯᒪᔪᑦ ᐃᓱᐃᓪᓕᖓᐅᑎᐅᕙᑦᑐᓂᒃ ᐃᓱᒪᒋᔭᒥᓂᒃ ᐱᒻᒪᕆᐅᒋᐊᖏᑦ ᓄᓇᓕᒥᓄᑦ: ᕿᑐᕐᖓᒥᓂᒃ ᐱᕈᕐᓭᓂᖅ, ᑲᒃᑲᓛᑦ ᑲᒪᒃᑭᓗᑦᑕᐅᓂᖏᑦ, ᐃᒻᒥᓂᐊᕐᓂᖅ, ᐃᓕᓴᕐᓂᖅ, ᐅᖃᐅᓯᖅ, ᒪᒥᓴᕐᓂᖅ, ᐊᒻᒪᓗ ᐅᖃᐅᓯᒃᑯᑦ ᑎᒥᒃᑯᓗ ᐋᓐᓂᑎᕆᓂᖅ. ᓄᐃᑕᐅᖁᔨᓕᓚᐅᕐᓯᒪᔪᑦ ᐊᕐᓀᑦ ᑲᑐᑦᔨᖃᑎᒌᓐᓂᖓᓂᒃ ᓲᖑᓯᑎᑦᓯᓚᖓᔪᒥᒃ ᓄᓇᕕᒻᒥᐅᑦ ᐊᕐᓀᑦ ᓂᐱᖏᓐᓂᒃ. ᓴᑐᕐᕖᑦ, ᐃᓄᐃᑦ ᐊᕐᓀᑦ ᑲᑐᑦᔨᖃᑎᒌᓐᓂᖓ ᓄᓇᕕᒻᒥ ᓄᐃᑕᐅᓚᐅᕐᓯᒪᔪᖅ 2006-ᒥ ᑎᓕᔭᐅᒍᑎᖃᕐᓱᓂ ᐊᕐᓀᑦ ᓄᓇᕕᒻᒥ ᑲᒪᒋᔭᐅᖁᓲᖏᓐᓂᒃ. ᓴᑐᕐᕖᑦ ᐱᓇᓱᐊᕈᑦᔨᐅᑎᒋᓚᖓᔭᖓᑕ ᐃᓚᒋᓚᐅᕐᓯᒪᔭᖓ ᐃᕐᓯᓇᕿᕝᕕᖃᕐᓂᓂᒃ ᐱᒋᐊᖃᑦᑖᖃᕐᓂᓂᒃ ᓄᕐᖃᑎᑦᓯᓂᖅ.

ᓱᓇᓱᐊᕐᐸᐱᑕ?

ᑎᒥᖁᑎᕗᑦ ᑫᓪᓗᑐᐃᓲᑦ ᐊᕐᓇᓂᒃ ᓈᒻᒪᑐᓂᒃ ᐊᐅᓚᑦᔦᒋᐊᕈᑎᖃᖁᑦᓱᒋᑦ ᐱᐅᓯᐅᒥᑎᑦᓯᒋᐊᕈᑎᒋᓂᐊᕐᑕᒥᓂᒃ ᓇᒻᒥᓂᖅ ᐃᓅᖃᑎᒌᓐᓂᓂ ᐊᒻᒪᓗ ᒪᑭᑕᒐᓱᐊᕐᓂᓂ ᖃᓄᐃᖕᖏᓯᐊᕈᑎᒋᓯᐊᕐᑕᖏᓐᓂᒃ. ᐱᕙᓪᓖᒋᐊᕐᑎᐅᓱᓂ ᓄᓇᓕᓕᒫᓂ ᐊᒻᒪᓗ ᐳᔮᕓᓐᓯᒥ ᐱᓇᓱᐊᕈᑦᔨᐅᑎᓂᒃ ᐊᒻᒪᓗ ᑭᒡᒐᑐᕈᑎᓂᒃ ᐱᕙᓪᓖᒋᐊᕐᑎᓯᐅᑎᐅᓚᖓᔪᓂᒃ ᖃᓄᐃᖕᖏᓯᐊᕐᑐᓂᒃ ᐃᓗᓯᕐᓱᓯᐊᕐᑐᓂᒃ ᐊᕐᓇᓂᒃ, ᑲᒃᑲᓛᓂᒃ, ᐊᒻᒪᓗ ᐃᓚᒌᓂᒃ.

ᓴᑐᕐᕖᑦ ᑮᓇᐅᔭᖃᕐᑎᓯᓲᑦ ᐃᑲᔪᕐᓯᒪᓲᒍᑦᓱᑎᓪᓗ ᓄᓇᓕᓐᓂ ᐊᕐᓀᑦ ᐃᓚᒌᕝᕕᖏᓐᓂᒃ ᑲᔪᓯᑎᑦᓯᓚᖓᔪᓂᒃ ᓄᓇᓕᓐᓂ ᐱᓇᓱᒐᕐᓂᒃ ᐊᒻᒪᓗ ᓱᖃᑦᓯᑎᑦᓯᐅᑎᓂᒃ. ᑲᔪᓯᑎᑦᓯᓲᑦ ᓄᓇᓕᓕᒫᓂ ᐱᓇᓱᐊᕐᑕᐅᒍᒪᔪᓂᒃ ᐊᒻᒪᓗ ᓱᖃᑦᓯᐅᑕᐅᔪᓂᒃ ᐃᓄᐃᑦ ᐊᕐᓀᑦ ᐃᓱᒫᓘᒋᔭᖏᓐᓄᑦ ᐊᒻᒪᓗ ᑲᒪᒋᒍᒪᔭᖏᓐᓄᑦ. ᓴᑐᕐᕖᑦ ᑭᒡᒐᑐᓲᒍᒻᒥᔪᑦ ᓄᓇᕕᒻᒥ ᐊᕐᓇᓂᒃ ᐊᔪᖀᒋᐊᕐᑎᐅᓂᕐᒥᓄᑦ ᐱᓇᓱᐊᕈᑎᖃᕐᓱᑎᒃ ᓄᓇᓕᓕᒫᓂ, ᑳᓇᑕᒥ ᐊᒻᒪᓗ ᓯᓚᕐᔪᐊᒥ ᑲᒪᒋᔭᐅᓕᑐᐃᓐᓇᑐᓂᒃ.

ᖃᐅᔨᓯᐅᒃ ᐱᓇᓱᐊᕈᑦᔨᐅᑎᕗᑦ

ᑭᒡᒐᑐᕐᐸᓗᒋᑦ ᐃᓄᐃᑦ ᐊᕐᓀᑦ ᓄᓇᕕᒻᒥᐅᑦ ᑲᑎᒪᔪᓂ ᓇᓂᓕᒫᖅ, ᑯᐯᒻᒥ ᐊᒻᒪᓗ ᓄᓇᓕᓕᒫᓂ.

ᑎᓕᔭᐅᒪᓂᕗᑦ

ᓴᑐᕐᕖᑦ ᐃᓄᐃᑦ ᐊᕐᓀᑦ ᑲᑐᑦᔨᖃᑎᒌᓐᓂᖓ ᓄᓇᕕᒻᒥ ᐊᒻᓗ ᖄᖏᕐᓂᑯᓕᐅᕐᑎᐅᒐᓂ ᑎᒥᐅᑦᓱᓂ ᑭᒡᒐᑐᕐᑐᖅ ᐃᓘᓐᓀᓂᒃ ᐃᓄᓐᓂᒃ ᐊᕐᓇᓂᒃ ᐅᑭᐅᓕᓐᓂᒃ 16-ᓂᒃ ᐅᖓᑖᓄᓗ. ᑎᓕᔭᐅᒪᒍᑎᓕᒃ ᓂᐱᖃᕐᑎᓯᔨᐅᓚᖓᑎᓪᓗᒍ ᐃᓄᓐᓂᒃ ᐊᕐᓇᓂᒃ ᓄᓇᕕᒻᒥᐅᓂᒃ, ᓴᑐᕕᕐᕖᑦ ᐅᑯᐊ ᐱᒐᓱᐊᒐᖏᑦ:

ᓄᐃᑎᕐᐸᓗᒋᑦ ᐱᓇᓱᕋᑦᓭᑦ ᓱᖃᑦᓯᑎᑦᓯᐅᑎᑦᓭᑦ ᐃᑯᓪᓚᐅᒥᑎᑦᓯᒍᑎᐅᓚᖓᔪᑦ ᐱᓗᑲᑦᑕᐅᕙᓐᓂᖏᓐᓂᒃ ᐱᒋᐊᖃᑦᑖᒍᕙᓐᓂᖏᓐᓂᓪ ᐊᕐᓀᑦ ᐊᒻᒪᓗ ᑲᒃᑲᓛᑦ

ᓴᓇᕐᕈᑎᖃᕐᑎᐸᓪᓗᒋᑦ ᐃᑲᔪᕐᓯᐅᑎᒋᓚᖓᔭᖏᓐᓂᒃ ᐊᕐᓀᑦ ᐃᒻᒥᓂᒃ

ᓴᐳᑦᔨᓗᒋᑦ ᓄᓇᓕᓐᓂ ᐱᓇᓱᒉᑦ ᐱᕙᓪᓕᐊᒍᑎᒋᓂᐊᕐᑕᖏᑦ ᐊᕐᓀᑦ.

ᐱᕙᓪᓕᐊᑎᒋᐊᕐᐸᓗᒋᑦ ᑭᒡᒐᑐᕐᓗᒋᑦ ᐊᕐᓀᑦ ᐊᒻᒪᓗ ᑲᒃᑲᓛᑦ ᓄᓇᕕᒻᒥᐅᑦ.

ᐃᑲᔪᕐᑎᒌᑦᑎᕗᑦ

ᐃᑲᔪᕐᑎᒌᑦᑎᕗᑦ ᓴᑐᕐᕖᑯᓐᓂ ᑲᒪᑦᓯᐊᑐᑦ ᐱᓇᓱᐊᕐᐸᓱᑎᒃ ᑕᖃᓱᐃᑦᑑᓱᑎᒃ ᐊᕐᓇᓂᒃ ᐃᓄᓐᓂᒃ ᓄᓇᕕᒻᒥ ᓄᑭᑖᕐᑎᓯᒍᒪᒧᑦ. ᐃᓘᓐᓇᑎᒃ ᐃᓚᐅᔪᑦ ᑐᓂᕐᕈᓯᕙᑦᑐᑦ ᐱᔪᓐᓇᓯᐊᕐᓂᒥᓂᒃ ᓂᐱᖃᕐᑎᓯᐅᑎᒋᑦᓱᒋᑦ ᐊᕐᓀᑦ ᐱᔪᓐᓇᐅᑎᖏᓐᓂᒃ ᐊᒻᒪᓗ ᖃᓄᐃᖕᖏᓯᐊᕐᓂᖏᓐᓂᒃ. ᑲᑐᑦᔨᓱᑕ, ᓇᓗᓀᒃᑯᑕᐅᔪᒍᑦ ᓄᑭᑖᕐᓂᓂᒃ ᐊᒻᒪᓗ ᑲᑐᑦᔮᖃᕐᓂᖏᓐᓂᒃ ᐃᓄᐃᑦ ᐊᕐᓀᑦ, ᓄᐃᑦᓯᖃᑎᒌᒐᓱᐊᕐᓱᑎᒃ ᐊᓯᑦᔨᑐᕆᐊᓕᓐᓂᒃ ᓈᒻᒪᓈᕐᓗᒋᑦ ᑲᔪᓯᑎᑦᓯᓯᐊᕈᒪᒧᑦ, ᓄᓇᓕᓐᓂ, ᓄᓇᓕᓕᒫᓂ, ᐊᒻᒪᓗ ᓇᓂᓕᒫᖅ.

ᑲᑎᓗᒋᑦ ᐃᓘᓐᓇᑎᒃ ᐱᓇᓱᐊᖃᑎᒌᑦ

ᑮᓇᐅᔭᖃᑎᓯᓂᒃᑯᑦ ᐃᓚᒋᔭᐅᔪᑦ