ᓴᑐᕐᕖᑦ ᐃᓄᐃᑦ ᐊᕐᓀᑦ ᑲᑐᑦᔨᖃᑎᒌᓐᓂᖓ ᓄᓇᕕᒻᒥ ᖄᖏᕐᓂᑯᓕᐅᕐᑎᐅᒐᓂ ᑎᒥᐅᑦᓱᓂ ᑎᓕᔭᐅᒪᒍᑎᓕᒃ ᓂᐱᖃᕐᑎᓯᔨᐅᓚᖓᑎᓪᓗᒍ ᐃᓄᓐᓂᒃ ᐊᕐᓇᓂᒃ ᑲᒃᑲᓛᓂᓪᓗ ᓄᓇᕕᒻᒥᐅᓂᒃ ᐃᑲᔪᕐᓯᒪᒐᓱᐊᕐᓱᒋᓪᓗ ᖃᓄᐃᖕᖏᓯᐊᕐᓗᑎᒃ ᐃᓗᓯᖃᑦᓯᐊᕈᑎᑦᓴᖏᓐᓂᒃ ᓄᓇᓕᓐᓂᑦ.
ᑐᑭᖓᓂᒃ ᓴᑐᕐᕖᑦ ᑐᓴᐅᒪᖕᖏᑐᓄᑦ, ᐅᖃᐅᓯᕐᑕᓚᕆᖓ, ᓴᑐᖅ, ᑐᑭᓕᒃ “ᐊᓯᐊᓯᒪᔪᕕᓂᕐᒥᒃ ᐅᑎᕐᑎᓯᓂᖅ”. ᓴᑐᕐᕖᑦ ᐊᑕᐅᓯᐅᑉ ᐅᖓᑖᓄᑦ ᐅᖃᕐᑕᐅᓕᕐᒪᑕ ᐊᒻᒪᓗ ᑐᑭᖃᕐᓱᓂ “ᑌᒃᑯᐊ ᐊᓯᐅᒪᓕᕐᑐᕕᓂᕐᓂᒃ ᐅᑎᕐᑎᓯᔪᑦ” ᑕᑯᑦᓴᐅᑎᑦᓯᔪᖅ ᓯᕗᓂᕐᒥ ᓂᕆᐅᑦᓯᐊᓇᕐᑐᓂᒃ ᐅᑎᕐᑎᑕᐅᓚᖓᓕᕐᑎᓗᒋᑦ ᐃᓗᒡᒍᓯᑦᑎᓄᑦ ᐃᓚᐅᓪᓚᕆᑦᑐᑦ ᐊᓯᐊᔨᓯᒪᓕᕐᑕᕕᓂᕗᑦ, ᐅᑎᕐᑎᑕᐅᑎᓪᓗᒋᑦ ᐃᓄᐃᑦ ᐱᐅᓯᕐᒥᑎᒍᑦ ᐱᓇᓱᐊᕈᓯᖏᑦ ᐊᒻᒪᓗ ᐃᓄᐃᑦ ᑭᓇᐅᓂᕐᒥᓂᒃ ᐅᐱᒪᒋᔭᖃᕈᑎᖏᑦ.
ᐊᕐᓀᑦ ᐃᓪᓗᖁᑎᖓ ᑐᖕᖓᓇᕐᑐᖅ ᐅᓚᐱᑕᐅᓐᓇᕋᓂᓗ. ᑕᒡᒐᓂ ᑐᖕᖓᓱᑦᑎᑕᐅᓂᐊᕐᑐᑎᑦ ᐃᒐᕕᖃᕐᓱᓂ, ᐃᓕᓐᓂᐊᑎᓄᑦ ᐃᓂᑦᓴᖃᕐᓱᓂ, ᐱᐊᕋᖃᐅᑎᖃᕐᓱᓂ, ᑲᑎᒪᕕᑦᑕᖃᕐᓱᓂ ᑕᙯᕐᓯᕕᖃᕐᓱᓂᓗ. ᐸᓂᕐᑎᑖᕐᓂᐊᐱᑯᓗ, ᑏᑐᕐᓂᖅ ᕿᑐᒫᔮᕐᓂᓗ ᐊᓂᕐᕋᓯᒪᔫᔮᕐᓇᑐᑦ!
ᓴᑐᕐᕖᑯᑦ ᓄᐃᑦᓯᓯᒪᔪᑦ ᐊᒥᓱᐃᓂᒃ ᑐᓴᕐᑎᓯᐅᑎᓂᒃ ᐱᓯᒪᔪᓂᒃ ᐊᑑᑎᑎᕙᑦᑕᑎᓐᓂᑦ ᐊᒻᒪᓗ ᖃᐅᔨᓴᕐᓂᓂᑦ ᑲᔪᓯᑎᕙᑦᑕᑎᓐᓂᑦ.
