ᑐᑭᓯᒪᓂᖅ ᑭᖕᖒᒪᓲᖏᓐᓂᒃ ᓄᓇᕕᒻᒥᐅᑦ ᐊᕐᓀᑦ ᐊᒻᒪᓗ ᐱᓇᓱᐊᕈᑎᖃᕐᓂᖅ ᐋᕐᕿᐅᑎᑦᓴᑖᕐᑎᓯᒐᓱᐊᕐᓂᓄᑦ ᑲᒪᒋᔭᐅᓪᓚᕆᑉᐸᑐᑦ ᓴᑐᕐᕖᑯᑦ ᐱᓇᓱᐊᕐᑕᖏᓐᓂ. ᐅᖃᐅᓯᖃᕐᓗᓂ ᑖᒃᑯᓂᖓ ᐱᓀᓗᑕᓂᒃ, ᓄᓇᓕᓕᒫᑎᒍᑦ ᑌᒣᒍᓐᓀᑎᑦᓯᒋᐊᕐᓂᒥᒃ ᑭᒡᒐᑐᕈᑎᖃᕐᓂᖅ, ᐊᒻᒪᓗ ᓴᐳᑦᔨᓯᒪᓂᖅ ᓄᓇᓕᓐᓂ ᐱᒋᐊᕐᑎᑕᐅᔪᓂᒃ ᐱᐅᓯᐅᒥᑎᑦᓯᒋᐊᕈᑕᐅᓚᖓᔪᓂᒃ ᐊᕐᓀᑦ ᓇᒻᒥᓂᖅ ᐃᓗᓯᕐᓱᓂᖏᓐᓂᒃ ᐊᒻᒪᓗ ᖃᓄᐃᖕᖏᓯᐊᕐᓂᖏᓐᓂᒃ ᐃᓚᖏᑦᑕ ᐱᒐᓱᐊᕈᑎᒋᕙᑉᐸᕗᑦ.
ᐅᕙᒍᑦ, ᐃᓅᔪᒍᑦ ᐊᕐᓇᐅᓱᑕ ᓄᓇᕕᒻᒥᐅᒍᔪᒍᑦ, ᑎᓕᐅᕆᒍᑎᖃᓪᓚᕆᑦᑐᒍᑦ ᐊᕐᓀᑦ ᐊᒻᒪᓗ ᑲᒃᑲᓛᑦ ᐱᒋᐊᖃᑦᑖᒍᒍᓐᓀᕆᐊᖃᓕᕐᓂᖏᓐᓂᒃ. ᑲᒃᑲᓛᑦ ᐃᑦᓯᒎᕐᓂᒧᑦ ᑲᒪᒃᑭᓗᑦᑕᐅᕙᓐᓂᖏᑦ ᑲᒪᒋᔭᐅᖕᖏᑑᒋᐊᖃᕈᓐᓀᑐᖅ ᐊᒻᒪᓗ ᑌᒣᓘᕐᑕᐅᕙᒋᐊᖃᕈᓐᓀᓱᑎᒃ.
ᓴᑐᕐᕖᑯᑦ ᐱᒋᐊᕐᑎᓯᓯᒪᔪᑦ ᐊᒥᓱᐃᓂᒃ ᑲᒪᒋᔭᖃᕈᑎᓂᒃ, ᖃᓄᐃᓕᒋᐊᕈᑎᓂᒃ ᐊᒻᒪᓗ ᓴᓇᕐᕈᑎᓂᒃ ᐃᓕᖓᓪᓚᕆᑦᑐᓂᒃ ᓄᓇᕕᒻᒧᑦ ᐃᓱᐃᓪᓕᖓᐅᑎᐅᓲᓄᑦ ᐃᕐᖃᑐᐃᕕᓕᕆᓂᕐᓂ, ᐃᕐᓯᓇᕿᕝᕕᖃᕐᓂᓄᑦ ᐱᒋᐊᖃᑦᑕᓂᕐᓄᑦ, ᐊᒻᒪᓗ ᑐᖁᑕᐅᕙᑦᑐᓄᑦ ᐊᓯᐅᖑᓐᓇᐸᑦᑐᓄᓪᓗ ᓄᓇᕕᒻᒥᐅᓄᑦ.
ᓴᑐᕐᕖᑯᑦ ᐅᑉᐱᒋᔭᖃᕐᐳᒃ ᐊᕐᓀᑦ ᐱᒻᒪᒋᐅᓂᖏᓐᓂᑦ ᐊᐅᓚᑎᑦᓯᔨᐅᑦᓱᑎᒃ ᐃᓚᒥᓂᒃ ᐊᒻᒪᓗ ᓄᓇᓕᒻᒥᓂᑦ. ᐊᒥᓱᑦ ᐱᖁᔭᑦᓭᑦ ᑲᒃᑲᓛᓄᐊᓕᖓᔪᑦ ᐱᒋᐊᕐᑕᐅᓯᒪᓕᕐᒥᔪᐃᑦ.
ᐱᓂᐊᕐᓂᓕᕆᓃᑦ ᐊᒻᒪᓗ ᒪᑭᑕᒐᓱᐊᕈᑎᑦᓴᓕᕆᓂᑎᒍᑦ ᖃᓄᐃᖕᖏᓯᐊᕐᓂᖏᑦ ᐃᓘᓐᓇᖓᑕ ᓄᓇᓖᑦ ᐱᕙᓪᓖᓯᒪᔪᑦ ᐊᕐᓀᑦ ᓂᐱᖏᑎᒍᑦ. ᓴᑐᕐᕖᑦ ᑕᒪᑐᒥᖓ ᑲᒪᒋᔭᖃᕐᐸᑐᖅ ᑐᑭᓯᓂᐊᕐᓂᑎᒍᑦ
ᓴᑐᕐᕖᑦ ᑲᒃᑲᓛᒃᑯᕕᖃᓕᑐᖅ. ᓴᓇᕐᕈᑏᑦ ᐊᒻᒪᓗ ᐱᖑᐊᕈᑏᑦ ᑲᒃᑲᓛᓐᓅᓕᖓᔪᑦ. ᖃᐅᔨᓴᖃᑦᑕᒋᑦ ᓄᑖᑦ ᓄᐃᑕᐅᓯᒪᓕᕐᒪᖔᑦᑕ
