2024-ᒥᓂᒃ, ᐊᒥᓱᑦ ᐃᓄᐃᑦ ᓄᓇᕕᒻᒥᐅᑦ ᐊᕐᓇᖏᑦ ᐊᒻᒪᓗ ᐱᐊᕋᖏᑦ ᐃᑎᕐᓯᒪᓕᕐᖁᑦ ᐅᒡᒍᐊᑎᒍᑦ ᓄᑖᒧᑦ ᐊᕐᓀᑦ ᓇᔪᒐᖓᓄᑦ ᑐᐊᕚᓪ-ᒥᑦ. ᐃᓕᓐᓂᐊᕈᒪᒐᔭᑐᐊᕈᕕᑦ ᒥᕐᓱᓂᕐᒥᑦ ᓇᓴᓕᐅᕐᓂᒥᑦ ᐅᔅᕙᓐᓃᑦ ᐳᐊᓗᓕᐅᕐᓂᒥᑦ, ᐃᓄᒃᑎᑑᕈᓐᓇᓃᓐᓃᑦ ᐱᒋᐅᕐᓴᒋᐊᓪᓚᕈᒪᒍᕕᑦ, ᑏᑐᕆᐊᕐᑐᑐᐃᓐᓇᓗᑎᓘᓐᓃᑦ, ᐊᒥᓱᖕᖑᓕᕐᑎᕆᒍᒪᒍᕕᑦ, ᐅᕝᕙᓘᓐᓃᑦ ᓄᓪᓚᖓᐅᒐᕈᒪᒍᕕᑦ ᐊᑦᑕᓇᕐᑐᑕᖃᖕᖏᑐᒥᑦ ᐊᒻᒪᓗ ᑐᖕᖓᓇᕐᑑᓱᓂ ᐊᕙᑎᖓ, ᑐᖕᖓᓱᑦᑎᓯᕗᒍᑦ ᙯᒍᒪᒍᕕᑦ, ᐱᑐᑦᓯᒪᖃᑎᒋᒋᐊᕐᑐᓗᒋᑦ ᐱᓇᓱᖃᑎᕗᑦ.
ᐊᕐᓀᑦ ᓇᔪᒐᖓ ᐊᑐᐃᓐᓇᖃᕐᑎᓯᓲᖑᕗᖅ ᐊᑦᔨᒌᖕᖏᑐᓂᑦ ᓱᖃᑦᓯᕈᑎᓂᑦ ᓇᐅᓕᒫᓄᐊᖓᔪᓂᑦ ᐊᒻᒪᓗ ᑌᒪᖕᖓᑦ ᐱᐅᓯᐅᒥᒋᐊᖃᑦᑕᑐᑦ ᐱᐅᓂᕐᓴᑎᒍᑦ ᐊᑐᐃᓐᓇᐅᑎᑦᓯᕕᖃᕈᒪᒧᑦ ᑭᖕᖒᒪᒋᔭᐅᔪᑦᐊᕐᓇᓄᑦ ᐊᒻᒪᓗ ᐱᐊᕋᖏᓐᓄᑦ.
ᐊᕐᓀᑦ ᓇᔪᒐᖓ ᓂᕈᒥᑦᑐᖅ ᐊᒻᒪᓗ ᓄᓪᓚᖓᓇᕐᑑᓱᓂ ᐱᕕᑦᓴᐅᔪᖅ. ᑕᒡᒐᓂ ᑐᖕᖓᓇᕐᑑᓂᖓ ᐊᕙᑎᖓ ᐃᑉᐃᓇᕐᑐᖅ ᐃᒐᓕᖃᕐᓱᓂ, ᐃᓕᓐᓂᐊᑏᑦ ᐃᓂᖓ, ᐱᐊᕃᑦ ᐃᓂᖓ, ᑲᑎᖕᖓᕕᒃ, ᐊᒻᒪᓗ ᓄᓪᓚᖓᓇᕐᑐᒥᑦ ᓇᔪᒐᖃᕐᒥᔪᖅ. ᐅᐸᕈᒥᓇᕐᑐᖅ ᑎᐸᖓ ᐸᓂᕐᑎᑕᓕᒃ, ᑏᓕᒃ, ᐊᒻᒪᓗ ᑐᑦᑐᐊᓗᔮᕐᓂᐅᓱᓂ ᐊᓂᕐᖃᒦᑦᑑᔮᕐᓇᑐᖅ!
ᑕᑯᓂᐊᕐᕕᒋᒍᒃ ᓇᔪᒐᕗᑦ ᐊᑐᐊᕐᓯᒋᐊᕐᑐᓗᑎᑦ ᙯᕐᖁᔨᒍᑏᑦ ᓱᓇᐅᒻᒪᖔᑕ ᐊᒻᒪᓗ ᑐᓴᐅᒪᑎᑦᓯᒍᑏᑦ ᐊᑭᓐᓇᒨᕐᑕᐅᓯᒪᔪᑦ ᓄᓇᓕᒻᒥᑦ ᑐᓴᐅᒪᑎᑦᓯᕕᖓᓂᑦ ᓂᕕᖕᖓᑕᐅᒪᔪᑦ! ᑐᓂᔨᒍᓐᓇᒥᔪᑎᑦ ᐊᑭᓐᓇᒥᐅᑕᓂᑦ ᐅᕝᕙᓘᓐᓃᑦ ᑐᓴᐅᒪᔭᐅᖁᔭᑎᓐᓂᑦ ᐊᑭᓐᓇᒨᕐᑕᐅᑎᑦᓯᒍᓐᓇᒥᔪᑎᑦ.
ᐃᓚᐅᖃᑕᐅᒋᑦ ᐃᓗᕐᕈᓯᑎᒍᑦ ᒥᕐᓱᓂᒃᑯᑦ ᑲᑎᒪᓂᐊᕈᓯᕐᒧᑦ ᒥᕐᓱᒋᐅᕐᓴᓗᑎ ᐊᒻᒪᓗ ᐊᔪᕆᓴᕈᑎᒋᓗᒍ ᐊᓐᓄᕌᓕᐅᕈᓐᓇᓂᕐᒥᑦ! ᑕᕐᕿ ᑕᒫᑦ, ᓄᑖᒥᑦᐱᒋᐊᕈᓐᓇᖃᑦᑕᕈᓐᓇᑐᑎᑦ, ᒥᕐᓱᒐᑦᓴᓕᒫᑦ ᐊᑐᐃᓐᓇᐅᑎᑕᐅᔪᑦ. ᐱᔭᕇᑦᓯᐊᖁᔨᒧᑦ, ᐱᖓᓱᐃᕕᓪᓗᑎᑦ ᐊᕐᓀᑦ ᓇᔪᒐᖓᓄᑦ ᐁᕐᕐᖄᖃᑦᑕᓯᒪᒋᐊᖃᑐᐃᓐᓇᑐᑎᑦ.
ᐊᑐᐃᓐᓇᕈᕐᑎᒋᑦ ᐃᓚᐅᖃᑕᐅᓂᕐᒥᑦ ᕿᑦᑌᖓᕐᓇᑐᒃᑯᑦ ᐅᖃᐅᓯᓕᕆᓂᕐᒥᑦ! ᑖᒃᑯᐊ ᐊᑭᖃᖕᖏᑐᑦ ᑲᑎᒪᓂᐊᕈᓰᑦ ᓇᐅᓕᒫᓄᑦ ᐊᑐᐃᓐᓇᐅᑎᑕᐅᕗᑦ ᐅᑯᐅᓕᓐᓂᑦ 5-ᒥᑦ ᐱᒋᐊᕐᕕᖃᕐᓱᑎᑦ ᑕᑉᐸᐅᖓᓕᒫᒃ, ᐱᒋᐊᖕᖓᓕᑌᓐᓇᕋᓗᐊᕈᕕᑦ ᐅᕝᕙᓘᓐᓃᑦ ᐱᔪᓐᓇᓯᐊᕋᓗᐊᕈᕕᑦ.
ᑖᓐᓇ ᐊᑦᔨᖃᕋᓂ ᐅᓪᓗᒥᒃ ᐊᑕᐅᓯᕐᒥᒃ ᑲᑎᒪᓂᐊᕈᓯᖃᕐᑎᓯᓂᖅ ᐃᒻᒥᓂᒃ ᓴᐳᓐᓂᐊᕈᓐᓇᓂᕐᒧᑦ ᑐᕌᕐᑐᖅ ᐊᕐᓇᓄᑭᓯᐊᓂ ᓄᓇᕕᒻᒥᐅᓄᑦ ᐊᑐᐃᓐᓇᐅᑎᑕᐅᔪᕐᓗ ᐱᓇᓱᐊᖃᑎᖃᕐᓱᑕ Street Safe-ᑯᓐᓂᒃ, ᐃᒻᒥᓂᒃ ᓴᐳᓐᓂᐊᕈᓐᓇᓂᕐᒥᒃ ᐃᓕᓐᓂᐊᑎᑦᓯᔨᐅᔪᓂᒃ. ᐱᓇᓱᐊᖃᑎᒌᑦᑎᐊᕗᑦ ᐊᕐᕕᑕᓛᕐᑐᑦ ᐊᑦᔨᒌᖕᖏᑐᓄᑦ ᓄᓇᓕᓐᓄᑦ ᓄᓇᕕᒻᒥ ᑐᑭᓯᔭᐅᑎᑦᓯᒋᐊᕐᑐᓗᑎᒃ ᐃᒻᒥᓂᒃ ᓴᐳᓐᓂᐊᕈᓯᐅᔪᓂᒃ ᖃᐅᔨᔭᐅᑎᑦᓯᓗᑎᓪᓗ ᖃᓄᖅ ᐱᓗᑲᓐᓂᐅᔪᓂᒃ ᓯᕗᕐᖐᓯᒪᒐᓱᐊᕈᑎᓂᒃ ᐃᓚᓯ ᐊᑦᑕᓇᕐᑐᒦᖁᓇᒋᑦ. ᓴᓪᓗᓕᐊᓛᓕᕐᒥᔪᒍᑦ ᑲᖏᕐᓱᒧᓪᓗ
ᐃᓚᐅᒍᒪᓗᑎᑦ ᐅᕝᕙᓗᓐᓃᑦ ᐊᐱᕆᐅᑎᑦᓴᖃᕈᕕᑦ ᑲᑎᒪᓂᐊᕈᓰᑦ ᒥᑦᓵᓄᑦ, ᐅᕙᑦᑎᓄᑦ ᐊᓪᓚᒍᓐᓇᑐᑎᑦ Facebook Page-ᑯᑦ, ᖃᕆᑕᐅᔭᒃᑯᑦ ᐊᓪᓚᑖᕐᕕᒧᑦ ᐅᕝᕙᓗᓐᓃᑦ ᐅᖄᓚᑐᐃᓐᓇᓗᑎᑦ.
ᐊᕐᓀᑦ ᓇᔪᒐᖓ ᐊᑐᕐᑕᐅᑎᑦᓯᒍᓐᓇᑐᖅ ᐃᓱᕐᕆᓇᕐᑑᓱᓂ ᖃᐅᒪᔪᑦᓯᐊᖅ ᑲᑎᖕᖓᕕᖓ ᐃᓄᕐᑕᖃᕈᓐᓇᓱᓂ 15-ᓂᑦ. ᐱᐅᒡᒍᑎᓕᒃ ᓄᐃᑕᑎᑦᓯᒍᑎᒥᑦ ᐊᒻᒪᓗ ᓄᐃᑕᑎᑦᓯᕕᖓ ᐊᑭᓐᓈᒦᓲᖅ, ᖃᕆᐊᖅ ᐅᖃᐅᓯᐅᑉ ᐁᑉᐹᓅᔦᕕᓕᒃ ᐱᒍᑦᔨᒍᑎᓂᑦ, ᐃᓚᐅᑎᓪᓗᒋᑦ ᐱᐅᒡᒍᑏᑦ ᐊᑐᓪᓗᑐᕐᑕᐅᒋᐊᓖᑦ ᐃᓄᒃᑎᑑᓕᕐᑎᕆᓂᕐᒧᑦ ᐊᒻᒪᓗ ᖃᓪᓗᓈᑎᑑᓕᕐᑎᕆᓂᓐᒧᑦ. ᐊᑐᐃᓐᓇᖃᕐᑎᑕᐅᒻᒥᓗᑎᑦ ᖁᐃᔭᕐᑐᕕᒻᒥᑦ ᐊᒻᒪᓗ ᑳᐱᓕᐅᕈᑎᕐᑕᖃᕐᓱᓂ, ᐃᓱᕐᕆᓯᐊᖁᔨᒧᑦ ᐊᒻᒪᓗ ᓈᒻᒪᑑᓗᓂ ᐊᕙᑎᖓ ᑲᑎᒪᓂᓯᓐᓄᑦ.
ᓄᑕᐅᓯᓕᕐᑎᑕᐅᒪᔪᖅ ᐱᐅᒡᒍᑎᑖᕐᑎᑕᐅᕐᖃᒥᐅᑦᓱᓂ ᑕᑯᑦᓴᐅᑎᑦᓯᕕᒃ ᓂᐱᓕᐅᕆᕕᒃ, ᐊᕐᓀᑦ ᓇᔪᒐᖓ ᐅᐱᒍᓱᑉᐳᖅ ᐱᓇᓱᐊᖃᑎᖃᕆᐊᒥᒃ ᐅᐊᕐᓂᖓᓂ ᑯᐯᒃ ᐃᓄᐃᑦ ᑲᑐᑦᔨᖃᑎᒌᑦᑐᑦ ᓄᐃᑦᓯᒍᒪᔪᑦ ᐊᑦᔨᒌᖕᖏᑐᓂᑦ ᐃᓚᐅᓕᕐᑎᓯᓂᕐᓂᑦ ᐊᒻᒪᓗ ᐃᓱᒪᒋᔭᐅᔪᑦ-ᐃᑉᐱᒋᔭᐅᓕᕐᑎᓯᒐᓱᐊᕐᓂᑯᑦ ᑕᑯᑦᓴᐅᑎᑦᓯᓂᕐᓂᑦ ᓄᓇᕕᓐᒥᐅᓄᐊᖓᑎᓪᓗᒍ. ᐅᓂᒃᑳᑕᐅᔪᓄᑦ ᐃᓚᐅᒐᔭᕐᑐᑦ ᐅᑉᐱᓂᓕᕆᓂᖅ, ᓱᓕᑦᓯᐊᑐᒥᒃ ᓭᒻᒪᖃᑎᒌᓐᓂᖅ, ᓱᕐᕃᓯᒪᓂᖅ ᖃᕆᑕᐅᔭᕈᑎᒥᑦ ᐊᑐᖃᑦᑕᓂᕐᒧᑦ ᐃᓄᐃᑦ ᑭᓇᐅᓂᖓᓂᒃ, ᐃᓗᕐᕈᓯᒥᑦ ᐊᑐᓕᕐᓂᖅ, ᐊᒻᒪᓗ ᐊᒥᓱᒋᐊᓪᓓᑦ. ᑐᓴᐅᒪᒐᓱᐊᑦᓯᐊᕆᑦ ᐃᓕᑕᕐᓇᑐᓂᑦ ᐅᖃᓕᒪᒍᑕᐅᔪᓂᑦ ᐊᒻᒪᓗ ᐱᒻᒪᕆᐅᔪᓂᑦ ᐅᖃᓕᒪᒍᑎᓕᓐᓂᑦ ᖃᒻᒥᑯᑦ ᑕᑯᑦᓴᐅᑎᑕᐅᓛᕐᑐᑦ ᐃᓄᖁᑎᕗᓐᓄᑦ!
